Skotfélag Reykjavíkur

Big-Bore Hlað riffilkeppni sunnudaginn 12. maí á Álfsnesi

Þriðjudagur, 07. maí 2013 14:45

BIG BORE Hlað riffilkeppnin verður haldin sunnudaginn 12. maí á velli SR Álfsnesi, hefst kl 13.00, æfingarskot leyfð milli kl. 12.00 - 12.40.
Lágmarkshlaupvídd cal. .338 eða 8,5 mm.Keppnisfyrirkomulag hefðbundið 10 skot fríhendis á 100 m. á 30 mínútum, skotvettlingar, ólar eða skotjakkar ekki leyfðir.
Skráning til föstudagsins 10. maí kl. 18.00 í verslun Hlað Bíldshöfða 12, keppnisgjald 990 krónur, glæsileg verðlaun að vanda.

Fyrstu verðlaun er gjafabréf frá Icelandair, sem er ígildi Evrópufarseðils, ekki amarlegt það.

Frábær skemmtun til að taka þátt í og til að horfa á.

Valdimar Long sigraði í dag

Sunnudagur, 05. maí 2013 14:24

Á Vormóti SR í Bench Rest sem var að ljúka, sigraði Valdimar Long með 0,4688 stig (gr.agg.), annar varð Kjartan Friðriksson með 0,5125 stig og þriðji Bergur Arthursson með 0,5565 en þeir keppa allir fyrir Skotfélag Reykjavíkur. Næstu menn voru Hjörleifur Hilmarsson SFK með 0,5853, Daníel Sigurðsson SR með 0,6265 og Kristján R. Arnarson SKH með 0,6302 stig. Nálgast má nokkrar myndir frá verðlaunaafhendingunni hérna og einnig syrpa hjá Halldóri Nikulássyni hérna. Bráðabirgða skorblað og tækjalisti er hérna, en eftir á að umreikna tommurnar í mm. Athugið að skjalið er tvær blaðsíður. /gkg

Staðan eftir fyrri daginn á Vormótinu í BR

Laugardagur, 04. maí 2013 16:51

Þá er fyrri degi lokið á Vormóti SR í Bench Rest skofimi með rifflum á 200 metra færi. Á morgun verður svo keppt á 300 metra færinu. Keppt er með s.k. Heavy Varmint riffllum í grúppu. Eftir daginn er Íslandsmeistarinn Valdimar Long efstur með meðal grúppu 0,3657, annar er Hjörleifur Hilmarsson með 0,4410 og þriðji Bergur Arthursson með 0,4872. Skoða má skorin nánar hérna. Myndir sem Halldór Nikulásson tók eru hérna. /gkg

Skotskýlið opnað kl 14:00 vegna Vormóts SR

Föstudagur, 03. maí 2013 10:06
Athugið að skotskýlið á Álfsnesi er lokað laugardaginn 4. maí milli kl 10:00 og 14:00 vegna Vormóts SR í Benchrest. Almenn opnun í skotskýlinu er frá 14:00 til 18:00. Skeetvellir félagsins eru opnir frá 10:00 til 18:00.

Ný Íslandsmet á Christensen mótinu í kvöld

Fimmtudagur, 02. maí 2013 21:48

Skotfélag Reykjavíkur hélt í kvöld minningarmót um Hans P. Christensen í loftskammbyssu og loftriffli. Það bar helst til tíðinda að Guðmundur Helgi Christensen og Ásgeir Sigurgeirsson bættu Íslandsmet sín . Ásgeir hlaut 589 stig en hann átti gamla Íslandsmetið sem var 586 stig síðan 2009. Guðmundur halut 599,6 stig í loftrifflinum en gamla metið var sett fyrr á árinu.
Í loftskammbyssunni varð Kristína Sigurðardóttir önnur með 553 stig, en karlar og konur kepptu saman að þessu sinni. Í þriðja sæti varð svo Thomas Viderö með 549 stig. Í öðru sæti í loftriffli varð Jórunn Harðardóttir með 593,4 stig og Íris Eva Einarsdóttir þriðja með 590,2 stig. Fjölmennt var á mótinu sem haldið var í Egilshöllinni en 25 keppendur mættu til leiks. Nokkrar myndir frá mótinu eru hérna. /gkg

Christensenmótið á fimmtudaginn

Þriðjudagur, 30. apríl 2013 19:56

Fimmtudaginn 2.maí verður Christensen-mótið haldið í Egilshöllinni. Keppendur geta hafið keppni á tímabilinu frá kl.16:00 til 20:00. Keppt er í opnum flokki í loftriffli og loftskammbyssu, 60 skot. Við hvetjum alla til að mæta. Christensen fjölskyldan gefur verðlaun til minningar um Hans P. Christensen sem lést um aldur fram 18.febrúar 1997. Hann var mikill SR maður og var jafnvígur á allar byssur. Hann var ritari stjórnar er hann lést af slysförum á Nýja-Sjálandi. /gkg