Íslandsmeistaramót í Benchrest Skor HV-flokki, 100m og 200m, verður haldið dagana 21. og 22. sept nk. Við minnum keppendur á að skráningu í mótið lýkur þriðjudagin kemur. Keppt verður á 100m á laugardeginum og 200m á sunnudeginum. Mótið hefst kl 10:00 báða dagana. Mæsting er samkvæmt reglum Stí. Skotskýlið verður lokað á laugardeginum fyrir aðra starfsemi til kl 14:00, eða þar til mótinu lýkur.

 Á Bikarmeistaramóti STÍ í skeet sem haldið var í Hafnarfirði um helgina sigraði Örn Valdimarsson úr SR. Í öðru sæti varð Guðlaugur B. Magnússon úr SA og í þriðja sæti varð Sigurður U. Hauksson frá Húsavík. Guðlaugur varð jafnframt Bikarmeistari STÍ 2013. Í kvennaflokki sigraði Snjólaug M. Jónsdóttir úr MAV, önnur varð Helga Jóhannsdóttir úr SÍH og í 3ja sæti Dagný H. Hinriksdóttir úr SR. Snjólaug varð einnig Bikarmeistari STÍ 2013 í kvennaflokki. Nánari úrslit eru hérna.

Sigurður Hallgrímsson varð stigahæstur á BR50 mótinu í gær. Skoða má tölurnar hérna.

Keppendur í skeet athugið að skráningu á Bikarmót STÍ í Hafnarfirði lýkur á morgun. Sendið okkur skráningu sem allra fyrst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   Staðan í keppninni um Bikarmeistara 2013 er hérna.

Á Reykjavík Open í dag sigraði Örn Valdimarsson með 108 stig +11+10 og varð jafnframt Reykjavíkurmeistari. Dagný H. Hinriksdóttir varð svo Reykjavíkurmeistari kvenna. Í öðru sæti varð Hörður S. Sigurðsson með 101 stig+10+7 og í þriðja sæti Kjartan Ö. Kjartansson með 92 stig +7+11. Í fjórða sæti varð svo Jakob Þ. Leifsson með 90 stig +11+9 eftir bráðabana við Kjartan. Í fimmta sæti varð Gunnar Sigurðsson með 84 stig +8 og Sigtryggur Á. Karlsson sjötti með 75 stig +10. Afleitt veður var meðan á mótinu stóð, norðaustan 10 m/sek og ausandi rigning. Keppendur fóru heim hlaðnir viðrurkenningum en Hlað, Sportvörugerðin og Ísnes styrktu okkur með verðlaun. Í lokin mættu kokkarnir okkar og grilluðu lambafilet ofaní mannskapinn. Myndasafnið er að fyllast hérna.