Landsmóti STÍ í skeet var að ljúka og sigraði Akureyringurinn Guðlaugur Bragi Magnússon, í öðru sæti varð sveitungi hans Grétar Már Axelsson og þriðji Hákon Þ. Svavarsson úr Skotíþróttafélagi Suðurlands. Í fjórða sæti varð Sigurður Unnar Hauksson frá Húsavík. Í fimmta sæti varð Örn Valdimarsson úr Skotfélagi Reykjavíkur og Stefán Gísli Örlygsson, einnig úr Skotfélagi Reykjavíkur varð sjötti. Sveit Skotfélags Akureyrar sigraði í liðakeppninni, en í henni voru auk Guðlaugs og Grétars, Sigurður Áki Sigurðsson, A-sveit Skotfélags Reykjavíkur varð önnur, með innanborðs auk Stefáns og Arnar, Kjartan Örn Kjartansson og B-sveit SR varð í þriðja sæti, með Gunnar Sigurðsson, Hjört Sigurðsson og Sigtrygg Á. Kalrsson innaborðs. Árangur Akureyrarliðsins er einnig nýtt Íslandsmet liða. Myndir komnar hér. úrslit koma fljótlega.

Á Landsmóti STÍ í haglabyssu-skeet í dag setti Árný G. Jónsdóttir úr Skotfélagi Reykjavíkur nýtt Íslandsmet 33 stig og sigraði jafnframt í kvennaflokki. Önnur varð Helga Jóhannsdóttir úr SÍH og þriðja Dagný H. Hinriksdóttir. Þær kepptu í final samkvæmt nýju reglunum í fyrsta skipti. Í karlaflokki er staðan þannig eftir fyrri keppnisdag að Akureyringurinn Guðlaugur Bragi Magnússon leiðir með 66 stig, en fast á hæla hans koma Hákon Þ. Svavarsson frá Selfossi og unglingurinn Sigurður Unnar Hauksson báðir með 65 stig. Grétar M. Axelsson úr SA og okkar maður Stefán Gísli Örlygsson koma næstir með 63 stig og annar SR-ingur er sjötti, Örn Valdimarsson með 61 stig. Keppni hefst að nýju í fyrramálið en þá eru skotnir 2 hringir og 6 efstu fara í final, sem hefst kl.14:30. Myndir frá mótinu í dag eru komnar hérna.

Bæði Ásgeir Sigurgeirsson (96 96 94 99 97 96=578 stig) og Thomas Viderö (92 95 92 94 95 95 = 563 stig) komust í úrslit í Luxemburg. Þeir keppa svo í final kl.14:30 á eftir. Ásgeir vann undankeppnina og Thomas varð í 4. sæti. Í úrslitunum tók svo Thomas sig til og skaut manna best 201,7 stig og vann með glæsibrag en Ásgeir hafnaði í 2. sæti að þessu sinni með 197,3 stig.

Báðar stelpurnar okkar komust í úrslit í loftskammbyssunni rétt í þessu. Jórunn Harðardóttir er í fjórða sæti með 360 stig og Kristína Sigurðardóttir í áttunda sæti með 353 stig. Úrslit átta efstu hefjast kl.10:00 að íslenskum tíma og verður gaman að fylgjast með þeim þar, því þar skjóta þær fyrst sex skotum og síðan örðum tveimurog fellur þá sú neðsta út. Þar næst önnur tvö skot og neðsta dettur út og svo koll af kolli þar til ein stendur uppi sem sigurvegari. Kristína endaði í 5.sæti en Jórunn gerði sér lítið fyrir og landaði silfurverðlaunum með glæsibrag eftir harða keppni við Eleanor Bezzina frá Möltu sem skoraði 191,2 stig gegn 187,6 stigum Jórunnar !! Frábært til hamingju stelpur með frábæran árangur.

Keppni í loftskammbyssu hefst á morgun á Smáþjóðaleikunum í Luxemburg. Kvennakeppnin hefst kl.08:00 að okkar tíma og karlar hefja leik kl.12:00. Í kvennaflokki keppa Kristína Sigurðardóttir og Jórunn Harðardóttir en í karlaflokki Ásgeir Sigurgeirsson og Thomas Viderö. Hægt verður að fylgjast með á þessari síðu.