Skotfélag Reykjavíkur

Miðvikudagur, 29. febrúar 2012 10:05

Árleg byssusýning Veiðisafnsins á Stokkseyri í samvinnu við verslunina Vesturröst verður haldinn laugardaginn 3. og sunnudaginn 4. mars 2012 frá kl. 11–18 í húsakynnum Veiðisafnsins, Eyrarbraut 49 Stokkseyri. Verður þar fjölbreytt úrval skotvopna til sýnis svo sem haglabyssur, rifflar, skammbyssur, herrifflar ásamt ýmsu frá landskunnum söfnurum m.a ein af haglabyssum Jóns Þorsteinssonar frá Ólafsfirði og Drífur Jóns Björnssonar frá Dalvik.

Karl sigraði í dag

Laugardagur, 25. febrúar 2012 18:35
Karl Kristinsson úr Skotfélagi Reykjavíkur sigraði á Landsmóti STÍ í Staðlaðri skammbyssu í Egilshöll í dag. Í kvennaflokki sigraði Þórhildur Jónasdóttir einnig úr Skotfélagi Reykjavíkur. A-Sveit Skotfélags Reykjavíkur sigraði í liðakeppninni. Myndir komnar hérna. Eins eru úrslitin hérna.

Landsmót á laugardaginn

Fimmtudagur, 23. febrúar 2012 11:02
Landsmót í Staðlaðri skammbyssu fer fram í Egilshöllinni á laugardaginn. Riðlaskiptingin er komin hérna. Athugið að lokað er fyrir almennar æfingar þennan dag.

Ásgeir einu stigi frá Ólympíusæti

Laugardagur, 18. febrúar 2012 17:13
Ásgeir Sigurgeirsson var aðeins einu stigi frá því að komast inná Ólympíeikana í dag. Skorið hjá honum var fínt,575 stig en inn í því var ein hrinan 93 stig.

Ásgeir keppir á Evrópumeistaramótinu á laugardaginn

Þriðjudagur, 14. febrúar 2012 17:38

Ásgeir Sigurgeirsson keppir á Evrópumeistaramótinu í loftskammbyssu á laugardaginn. Mótið fer fram í Finnlandi. Nánar á heimasíðu mótshaldara. Hægt verður að fylgjast með skorinu í keppninni í beinni hérna. Ásgeir byrjar kl. 11:00 að staðartíma eða kl. 09:00 að íslenskum tíma. Úrslitin eru svo kl. 14:30 að staðartíma eða kl. 12:30 að íslenskum tíma. Ef Ásgeir lendir í hópi fjögurra efstu tryggir hann sér þátttökurétt á Ólympíuleikunum í London í ágúst.

Guðmundur Helgi sigraði í dag

Sunnudagur, 12. febrúar 2012 22:59
Á Landsmóti STÍ í 60sk liggjandi riffli sem haldið var í Kópavogi í dag, sigraði okkar maður, Guðmundur Helgi Christensen og náði jafnframt meistaraflokksárangri, 587 stigum. Í öðru sæti varð Stefán E. Jónsson SFK með 582 stig og þriðji varð Guðmundur Valdimarsson SÍ með 573 stig.