Skotfélag Reykjavíkur

Laugardagur, 04. apríl 2009 20:52

Skotsamband Evrópu, ESC, var að birta nýjan lista yfir bestu skotmenn Evrópu. Ásgeir Sigurgeirsson er kominn uppí 48.sæti í Loftskammbyssunni. Það er besti árangurs íslensks skotmanns frá upphafi. Hann fer til keppni á Heimsbikarmótið í Munchen 16.maí n.k. og verður spennandi að sjá hvernig honum gengur þar í keppni við þá bestu. Ásgeir er aðeins 23ja ára gamall og á framtíðina fyrir sér.

Landsmót UMFÍ 2009 á Akureyri

Laugardagur, 04. apríl 2009 19:50

Landsmót Ungmennafélags Íslands verður haldið á Akureyri dagana 9. til 12.júlí í sumar. Í skotgreinum verður keppt í SPORTING-haglabyssu, SKEET-haglabyssu, Staðlaðri Skammbyssu og Loftskammbyssu. Fyrir hönd Íþróttabandalags Reykjavíkur mun Skotfélag Reykjavíkur senda keppendur í allar greinar einsog áður og stefnir að því að verja sigurinn frá síðustu tveimur Landsmótum þar sem við höfum sigrað í heildarstigakeppni mótanna í skotfimi. Reykjavík má senda 4 keppendur í hverja grein og munum við velja þá tímanlega. Væntanlega verður hver og einn að sjá um sig með gistingu og má reikna með að flestir mæti með tjöld, fellihýsi eða hjólhýsi. Nánar má lesa um landsmótið á heimasíðu UMFÍ.

Íslandsmeistarar í dag

Laugardagur, 04. apríl 2009 18:48

Á Íslandsmótinu í Staðlaðri skammbyssu í dag unnu okkar keppnisfólk öll gullverðlaunin. Karl Kristinsson í karlaflokki, í liðakeppninni fengum við líka gullið með þá Karl, Jón Árna Þórisson og Sigurð Sigurðsson innaborðs og svo í kvennaflokki varð Jórunn Harðardóttir Íslandsmeistari. Frábær árangur, hamingjuóskir til ykkar allra. Mótaúrslitin eru inná STÍ síðunni.

Íslandsmót um helgina

Fimmtudagur, 02. apríl 2009 12:52
Um næstu helgi fara fram 3 Íslandsmót í skotfimi. Á laugardag er keppt í Staðlaðri skammbyssu í Digranesi og í Þríþraut í riffli í Egislhöll. Á sunnudag er svo keppt í Sport skammbyssu í Digranesi.

Landsliðsæfingar á Álfsnesi

Föstudagur, 27. mars 2009 17:37

Landsliðsæfingar í skeet hafa staðið yfir í dag. Peeter Pakk frá Eistlandi hefur verið á æfingum í dag með landsliði okkar. Peeter er nú landsliðsþjálfari Finna en sá af nokkrum dögum til að kíkja á okkar menn. Þeir verða við æfingar á Álfsnesi í dag, á morgun laugardag og svo fékkst undanþága hjá Heilbrigðiseftirliti til æfinga á sunnudaginn líka. Nokkrar myndir frá æfingunum í dag eru hérna.

Ný ISSF regla

Þriðjudagur, 24. mars 2009 08:28
Í nýju ISSF-alþjóðareglunum er m.a.ein breyting sem skiptir skammbyssuskotmenn máli. Gikkþyngdin í Grófri Skammbyssu hefur verið að lágmarki 1360 grömm hingað til en hefur nú verið lækkuð til samræmis við Staðlaða og Sport skammbyssu í 1000 grömm.