Samkvæmt nýju frumvarpi til byssulaga munu nokkrar skotíþróttagreinar detta út á skömmum tíma, þar sem ekki verður leyfilegt að flytja inn byssur í þessar keppnisgreinar.  

Æfing fyrir Landsmótið á laugardaginn er föstudagskvöldið kl.19-20:30

Riðalskiptingin er komin hérna.

Lokaskráning á mótin í loftskammbyssu, loftriffil og enskan riffil í kvöld.

 ÍSÍ tilkynnti í dag styrkveitingar úr Afrekssjóði þess. STÍ fékk úthlutað vegna tveggja skotmana úr Skotfélagi Reykjavíkur. Verkefni vegna Ásgeirs Sigurgeirssonar hlaut 1,240þús kr. styrk og vegna Arnar Valdimarssonar hlaut 760þús.kr. Þetta gerir þeim kleift að keppa við þá bestu á komandi ári og að byggja undir þann árangur sem þeir hafa nú þegar náð. Stjórn SR óskar þessum frábæru fulltrúum félagsins til hamingju með þessa viðurkenningu á árangri þeirra og óskar þeim velfarnaðar á komandi mánuðum á leið þeirra til frekari afreka. /gkg

Skotíþróttamönnum var veitt viðurkenning í kvöld. Í hófi Félags Íþróttafréttamanna og Íþrótta-og Ólympíusambands Íslands, sem haldið var á Grand Hótel í kvöld, var skotíþróttamönnum ársins veitt viðurkenning. Skotíþróttakona ársins er Jórunn Harðardóttir og skotíþróttakarl ársins er Ásgeir Sigurgeirsson. Faðir hans tók við fyrir hans hönd og er hér á myndinni með Jórunni. Við óskum þeim hjartanlega til hamingju með valið. /gkg