Það verður lokað á Álfsnesi í dag vegna veðurs og færðar.

Allar upplýsingar, er að finna hér neðar í fréttum, um Áramót SR í Riffli og Skeet...

Í áhugaverðri grein sem Sigurður E.Þórólfsson, íþróttafréttamaður, ritar í Fréttablaðið í dag, er hann m.a. að bera saman árangur íslenskra íþróttamanna í hlutfalli við þá bestu. Þar kemur fram að að okkar bestu íþróttamaenn eru ansi nærri þeim bestu í heiminum þegar reiknað er í prósentum. Ekkert var fjallað um skotmenn frekar en fyrri daginn. Ég gerði því að gamni léttan samanburð á Íslandsmetum okkar bestu skotíþróttamanna. Í frjálsri skammbyssu á Ásgeir Sigurgeirsson Íslandsmetið, 565 stig sem hann setti í sumar. Heimsmetið í greininni á Sovétmaður síðan á ólympíuleikunum í Moskvu 1980, 581 stig. Met Ásgeirs er því aðeins 2,7% frá því. Ásgeir á einnig metið í loftskammbyssu, 586 stig. Heimsmetið er 594 stig og er því met Ásgeirs aðeins 1,3% frá heimsmetinu ! Í haglabyssu skeet á Örn Valdimarsson Íslandsmetið 120 stig síðan á HM í sumar. Heimsmetið er 125 stig og því met Arnar aðeins 4% frá því. Metið með final í Skeet á Sigurþór Jóhannesson, 143 stig en heimsmetið er 150 og er þar munurinn aðeins 4,6%. Jórunn Harðardóttir á Íslandsmetið í loftskammbyssu kvenna með final, 467,9 stig en heimsmetið er 493,5, sem þýðir að met Jórunnar er aðeins 5,1% frá því. Það er því deginum ljósara að skotíþróttamenn okkar eru klárlega meðal bestu íþróttamanna þjóðarinnar í dag og jafnvel þótt víðar væri leitað. Ásgeir er t.d. í 41.sæti á heimslista í frjálsri skammbyssu og í 61.sæti í loftskammbyssu. Örn er í 79.sæti á heimslistanum í skeet. Einnig má geta þess að skor Ásgeirs í frjálsu skammbyssunni var 6.besti árangur einstaklings á árinu í þeirri grein. /gkg

Stjórn Skotfélags Reykjavíkur óskar félagsmönnum öllum sem og gestum okkar Gleðilegra jóla og farsæls komandi árs.

1.umferð í sænsku loftskammbyssukeppninni er nú lokið hjá okkur. SR er með 4 lið í keppninni að þessu sinni. Keppt er í liðakeppni, þar sem hvert lið er skipað 3 keppendum. Keppnin er deildaskipt og er umferðirnar 7 alls. Hver umferð stendur yfir í 2 vikur. Hver keppandi skýtur 40 skotum. Að þessu sinni er skor okkar keppenda : Ásgeir 385 stig, Gunni 381, Jórunn 375, Helgi 363, Stína 361, Gummi 358, Steini 357, Kalli 357, Benni 347, Kim 345, Joddi 343 og Gunni 337. Hægt verður að fylgjast með á heimasíðu Sænska Skotsambandsins, http://luft.allsvenskapistolserien.se/   /gkg