Örn Valdimarsson úr Skotfélagi Reykjavíkur er kominn inná lista Alþjóða skotsambandsins ISSF yfir 150 bestu skotmenn í skeet-haglabyssu. Hann er þar í 82.sæti. Þetta er í fyrsta skipti sem íslensk haglabyssuskytta kemst inná þennan lista. Frábært, til hamingju Öddi !!

Við eigum nú tvo skotmenn inná heimslistum ISSF en skammbyssuskyttan okkar, Ásgeir Sigurgeirsson er á listanum í bæði Loftskammbyssu, 63.sæti og Frjálsri skammbyssu, 41.sæti.

Örn Valdimarsson endaði HM með því að bæta Íslandsmetið í Skeet. Hann skaut 24 í síðustu umferð og endaði á 120 stigum. Frábær árangur og sá besti hjá Íslending í skeet frá upphafi. Hann endar í kringum 55.sætið með þessum árangri. Við óskum Erni hjartanlega til hamingju með árangurinn.

Öddi var með 24 í fyrri hringnum í morgun og því kominn með 96 alls. Hann er sem stendur í 52.sæti af 122 keppendum. Skorið er mjög gott 25 25 22 24, hann hefur því misst 4 dúfur, dobblið á palli 3, turninn á áttunni og fyrri dúfuna í dobblinu á palli 4. Bíðum spennt eftir lokahringnum. Þess má geta að Íslandsmetið er 119 dúfur og þarf Örn því að skjóta 23 til að jafna það.

Eftir fyrri daginn á HM í Belgrad, er Öddi með 72 stig. Hann átti frábæra byrjun 25 25 og 22. Á morgun er svo seinni hlutinn en þá eru skotnir 2 hringir.

Opnunartímar svæðisins á Álfsnesi næstu 2 vikur komnir undir OPNUNARTÍMAR. Opið verður mánudaga,miðvikudaga,fimmtudaga og laugardaga.