Á fyrsta landsmóti keppnistímabilsins í loftskammbyssu sigraði okkar maður, Ásgeir Sigurgeirsson, örugglega með 577 stig + 99,4, en Tómas Viderö úr SFK, varð í öðru sæti með 550 stig. Í kvennaflokki varð Jórunn Harðardóttir úr SR,  í 1.sæti og í loftriffli sigraði Guðmundur Helgi Christensen.

Á landsmóti STÍ um síðustu helgi sigraði Karl Kristinsson úr SR í karlaflokki og Jórunn Harðardóttir í kvennaflokki, bæði með 494 stig. Í öðru sæti varð Jón Árni Þórisson úr SR einnig með 494 stig og í 3ja sæti varð Kolbeinn Björgvinsson úr SR með 463 stig. Í kvennaflokki hafnaði Þórhildur Jónasdóttir í 2.sæti með 378 stig.

Félaginu var að berast ný Mótaskrá STÍ til umfjöllunar. Þar er afar ánægjulegt að sjá BENCH REST riffilskotfimi aftur inná skránni. Keppt verður eftir reglum Alþjóða Bench Rest sambandsins. Haldið verður eitt mót á vegum STÍ og er það Íslandsmót 21.júlí 2012 á Álfsnesi. Mótaskráin er aðgengileg á heimasíðu STÍ, www.sti.is

Alþjóða Skotíþróttasambandið hefur nú birt afrekslistann fyrir nóvember og eigum við þar tvo menn. Örn Valdimarsson er í 80.sæti í Skeet og svo er Ásgeir Sigurgeirsson í 41.sæti í Fríbyssu og 62.sæti í Loftskammbyssu.

 Skotsamband Evrópu var að gefa út styrkleikalistann fyrir nóvember. Skotfélag Reykjavíkur á þar tvo skotmenn, Örn Valdimarsson í Skeet í 71.sæti og Ásgeir Sigurgeirsson í 39.sæti í Loftskammbyssu og 28.sæti í Frjálsri skammbyssu !!