Ásgeir keppir á föstudag kl.13:45 síðan er final kl. 16:30. Á laugardag kl. 11:30 og final er kl. 14:30

Ásgeir Sigurgeirsson, skammbyssuskyttan okkar, er að fara til Þýskalands, þar sem hann keppir í loftskammbyssu á föstudag og laugardag. Þetta er eitt sterkasta alþjóðlega mótið á hverju ári. Allir þeir bestu mæta þar og reyna með sér. Keppt er á skotsvæði Bæverska skotsambandsins á svæði sem er sérhannað til skotfimi. Mynd af því er hérna. Hægt er einnig að fylgjast með skorinu beint hérna.

Fréttin er tekin af síðu Stí í dag:

18.jan.2012  Fréttatilkynning frá stjórn: 

Stjórn Skotíþróttasambands Íslands (STÍ) fundaði 17.janúar um drög að frumvarpi til vopnalaga sem birt var á heimasíðu Innanríkisráðuneytisins í lok sl. viku.  Mikillar óánægju gætir meðal skotíþróttamanna með ákveðin atriði í frumvarpsdrögunum og hefur mál manna verið að þær takmarkanir sem lagðar eru til beinist einvörðungu að íþróttafólki. Stjórn STÍ tekur undir þau sjónarmið.

Okkar maður, Guðmundur Helgi Christensen, sigraði á Landsmóti STÍ í 60sk liggjandi riffli, sem haldið var í Kópavogi í gær. Hann hlaut 584 stig, annar varð Arnfinnur Jónsson með 582 og Jón Þór Sigurðsson þriðji með 576 stig. /gkg

Á landsmótinu í Egilshöllinni í dag sigraði Ásgeir Sigurgeirsson í loftskammbyssu karla með 584 stig + 100,4 ífinal eða alls 684,4 stig, aðeins 1 stigi frá Íslandsmeti sínu. Hann er greinilega í hörkuformi og verður spennandi að sjá hvernig honum gengur á stórmótinu í Þýskalandi í lok mánaðarins og á Evrópumeistaramótinu í Finnlandi í febrúar. Þar mun skýrast hvort hann komist inná næstu Ólympíuleika. Í öðru sæti varð Thomas Viderö með 659,1 stig og Stefán Sigurðsson þriðji með 629,7 stig. Í kvennaflokki sigraði Jórunn Harðardóttir með 456,3 stig og Kristína Sigurðardóttir varð í öðru sæti með 442,8 en Berglind Björgvinsdóttir varð þriðja með 442,4. A-lið Skotfélags Reykjavíkur sigraði í liðakeppni karla, sveit SFK varð í öðru sæti og B-sveit SR varð í þriðja sæti. í loftriffli karla sigraði Guðmundur Helgi Christensen með 555 stig og í loftriffli kvenna sigraði Íris Eva Einarsdóttir með 346 stig. MYNDIR KOMNAR HÉR  /gkg