Vegna óveðurs á Álfsnesi hefur Áramótunum verið frestað. Skeet mótið verður skotið á morgun, Nýársdag og er mæting kl.10:30. Nánar verður tilkynnt um riffilmótsdag eftir helgi.

Ásgeir Sigurgeirsson fór í dag uppí 20.sæti á lista Alþjóða Skotíþróttasambandsins yfir bestu loftskammbyssuskotmenn í heimi. Hann hlaut einnig viðurkenningu í hófi íþróttafréttamanna og ÍSÍ sem haldið var í kvöld og endaði þar í 8. sæti í kjörinu til Íþróttamanns Ársins 2012.

Vegna slæmrar veðurspár verður lokað á Álfsnesi á morgun, laugardag. Í staðinn notfærum við okkur ákvæði í starfsleyfi og höfum opið á SUNNUDAG 30.des kl. 12-16

Skotíþróttasamband Íslands hefur valið eftirtalda sem Skotíþróttamenn ársins 2012 :

Skotíþróttakarl Ársins er:   Ásgeir Sigurgeirsson úr Skotfélagi Reykjavíkur.

Hann sigraði á flestum þeim mótum sem hann keppti í á
árinu hérlendis. Hann varð bæði Íslands-og Bikarmeistari í sínum greinum. Hann
keppti í tveimur greinum á Ólympíuleikunum í London og varð þar í 14.sæti í
Loftskammbyssu og í 32.sæti Frjálsri skammbyssu. Hann tók þátt í fjölda
alþjóðlegra móta árinu. Hann varð meðal annars í öðru sæti á einu sterkasta
mótinu IWK í München í janúar. Einnig hafnaði hann í 22.sæti á
Evrópumeistaramótinu í Finnlandi í febrúar og í 23.sæti á Heimsbikarmótinu í
München í lok maí. Ásgeir er nú í lok desember í 21.sæti á heimslistanum
í Loftskammbyssunni og í 47.sæti í Frjálsri skammbyssu. Á Evrópulistanum er
hann í 14.sæti í Loftskammbyssu og í 29.sæti í Frjálsri skammbyssu.

Skotíþróttakona Ársins er: Jórunn Harðardóttir úr Skotfélagi Reykjavíkur.

Jórunn er jafnvíg á riffil og skammbyssu. Hún varð
Íslandsmeistari í Loftriffli, Loftskammbyssu, Staðlaðri skammbyssu og enskum
riffli. Einnig varð hún Reykjavíkurmeistari í Loftskammbyssu. Hún setti
Íslandsmet í Loftskammbyssu 374 stig og í enskum riffli með final 673,5 stig.
Einnig jafnaði hún Íslandsmetið í Loftriffli 383 stig.

Stjórn félagsins óskar félagsmönnum Gleðilegra Jóla.