Um næstu helgi er Reykjavíkurmeistaramótið, Reykjavik Open, í Skeet haldið á Álfsnesinu. Samhliða er keppt á Bikarmeistaramóti STÍ. Þar verður skorið úr um hver hlýtur titilinn Bikarmeistari STÍ 2011. Keppnin er afar hörð því fyrir mótið er Örn Valdimarsson jafn Sigurþóri Jóhannessyni að stigum. Skráningu á mótið lýkur í kvöld.

Þá hafa Íslendingarnir lokið keppni á EM í Serbíu. Örn Valdimarsson hafnaði í 79.sæti með 104 stig (21 22 20 22 19) og Sigurþór Jóhannesson endaði í 72.sæti með 113 stig (24 22 24 23 20). Keppni um efstu sætin er afar hörð og eru 7 keppendur jafnir í 1.til 7.sæti með 124 stig (af 125 mögulegum). Aðeins komast 6 í final og því er haldinn bráðabani um sæti í úrslitunum.

Eftir fyrri daginn á EM í Serbíu er Örn Valdimarsson á 63/75 og Sigurþór Jóhannesson á 70/75. Á morgun verða seinni 2 hringirnir skotnir. Hægt er að skoða skorið hérna.

Ásgeir lauk keppni með 551 stig og hafnaði í 23.sæti af 67. Hrinurnar voru 90 93 90 95 93 90. Mjög fínt hjá honum og festir hann enn betur í sessi í hópi þeirra bestu. 

Ásgeir Sigurgeirsson keppir í frjálsri skammbyssu á Evrópumeistaramótinu sem haldið er í Belgrað í Serbíu, á morgun laugardag. Hann byrjar keppni kl. 11:15. Hægt er að fylgjast með hérna.