Í dag keppir Ásgeir Sigurgeirsson í forkeppninni í Frjálsri skammbyssu á heimbikarmótinu í München. Hægt er að fylgjast með hérna. Ef hann kemst áfram keppir hann í aðalkeppninni kl. 6:30 í fyrramálið. Keppni í Loftskammbyssu er á þriðjudaginn.

Landsmót í Skeet verður haldið á Húsavík um helgina. Við sendum þangað 4 menn til keppni.

Ásgeir Sigurgeirsson er að fara til Þýskalands í fyrramálið til keppni á heimsbikarmótinu í München. Hann keppir þar í bæði Frjálsri skammbyssu og Loftskammbyssu. Við reynum að birta hér fréttir af gangi mála jafnóðum og þær berast.

Flottir fulltrúar okkar á Smáþjóðaleikunum í Liechtenstein komu öll með verðlaunapening tilbaka. Riffilkallarnir Guðmundur Helgi Christensen með gull og Jón Þór Sigurðsson með brons í aftari röð. Í fremri röð Tómas Viderö með brons í loftskammbyssu, Ásgeir Sigurgeirsson með gull í loftskammbyssu og Jórunn Harðardóttir með silfur í loftskammbyssu.

Gunnar Sigurðsson sigraði á Júnímótinu í skeet sem haldið var á þriðjudaginn. Í öðru sæti varð Örn Valdimarsson og Hjörtur Sigurðsson varð í 3ja sæti. Úrslit og mynd á Facebook síðu félagsins.