Ásgeir Sigurgeirsson hafnaði í 12.sæti á heimsbikarmótinu í Kóreu í nótt í Frjálsri skammbyssu. Hann bætti jafnframt eigið Íslandsmet sem hann setti í Svíþjóð fyrir tveimur árum, 555 stig í 561 stig. Hreint frábær árangur hjá honum og munaði engu að hann kæmist í 8 manna úrslit. Þeir voru 5 jafnir með 561 stig í 9.-14.sæti en síðasti maður inní úrslit var með 563 stig. Hrinurnar voru einnig afar afar góðar 91-92-94-95-94-95. Þess má einnig geta að hann er með flensu og kemur því árangur hans þægilega á óvart. Nú er bara að vona að hann nái sér vel á strik í Loftskammbyssukeppninni sem hefst á miðnætti sunnudagskvöldsins. Þetta er langbesti árangur Íslendings á heimbikarmótum frá upphafi. Ásgeir er aðeins 26 ára gamall og á því framtíðina fyrir sér.

Á Aprílmótinu í loftbyssugreinunum sigraði Guðmundur Helgi Christensen á nýju Reykjavíkurmeti í Loftriffli með 579 stig !!!  Annar varð Sigfús Tryggvi Blumenstein og í 3ja sæti varð Íris Eva Einarsdóttir. Í Loftskammbyssu sigraði Guðmundur Kr Gíslason með 553 stig, í 2.sæti varð Jórunn Harðardóttir  og í 3ja sæti Karl Kristinsson. Myndir eru á facebook síðu félagsins.

Riðlaskipting mótanna um helgina er nú komin á  www.sti.is/frettir.htm

Ásgeir Sigurgeirsson keppir í Frjálsri skammbyssu á morgun laugardag. Hægt er fylgjast með í beinni hérna.

Hann byrjar keppni kl. 00:00 að okkar tíma, miðnætti í kvöld s.s. -9 klst munur

Ásgeir keppir í Frjálsu skammbyssunni á morgun, laugardag, og verður hægt að fylgjast með skorinu á netinu í beinni hérna.