Fimmtudaginn 2. júní, uppstigningardag, verður félagið 144 ára. Í tilefni dagsins verður boðið uppá kaffi og rjómavöfflur á Álfsnesi. Opið verður frá kl 12 - 17 á afmælisdaginn.

Nú líður senn að fyrsta hreindýranámskeiðinu í sumar. Reiknum með að þau hefjist uppúr miðjum Júní en það verður auglýst þegar nær dregur. Námskeiðin hafa verið afar vinsæl meðal tilvonandi hreindýraveiðimanna og annrra sem áhuga hafa á slíkum veiðum. Kennarar verða sem áður þeir Jóhann Vilhjálmsson og Vignir J. Jónasson.

Á mánudaginn hefjast Smáþjóðaleikarnir í Liechtenstein. Við eigum þar 3 keppendur, þau Ásgeir Sigurgeirsson, Jórunni Harðardóttur og Guðmund Helga Christensen. Við flytjum af þeim fréttir jafnóðum og þær berast.

Grafarvogsdagurinn er á morgun laugardag. Opið verður hjá okkur í Egilshöllinni kl.10-13 þar sem gestir geta fengið að prófa að skjóta úr loftrifflum. Aldurstakmark er 15 ára en þeir sem eru 15-18 ára þurfa að koma með skriflegt leyfi frá foreldrum til að geta prófað !

Keppnismannaæfing í skeet verður miðvikudaginn 1.júní og hefst kl.17. Allir sem hug hafa á að taka þátt í mótum með okkur eru hvattir til að mæta og taka þátt. Okkar bestu leiðbeinendur verða á staðnum.